Departamentuak eskaintzen dituen hainbat zerbitzu

Mendekotasun Legea

Mendekotasun Legea Gipuzkoa gida Gipuzkoako Foru Aldundiko Gizarte Politikako Departamentuan aproposa iruditu zaigu gida hau argitaratzea. Helburua, Mendekotasun Legearen prestazio ekonomikoak jasotzeko aukera dutenei informazioa erraztea da.

Mendekotasun Legea arautzen duen dekretua 2008ko urtarrilaren 8an sartuko da indarrean gure lurraldean.

Mendekotasun Legea Gipuzkoa Lege horrek beren kabuz molda ezin daitezkeen pertsonek laguntza jakin batzuk jasotzeko duten eskubidea aitortzen du. Honako gida honek pertsonen egoera eta interesak kontuan izanik, dauden laguntzak azaltzen ditu.

Gure esku dauden bitarteko guztiez baliatuko gara zuen itxaropenei erantzuteko; alabaina, komeni da eskatzaile bakoitzak jakitea zeintzuk diren dagozkion laguntzak Gipuzkoako Foru Aldundiak emandako balorazioaren arabera.

Ziur nago guztiok laguntzeko prest agertuko garela, lehendabizi premia handieneko kasuak ahalik eta azkarren konpontzeko; hau da, mendekotasun-maila handiko pertsonen kasuak. Ondoren, mendekotasun-egoera larria duten pertsonen kasuei helduko diegu, eta, azkenik, 2012. urtetik aurrera, mendekotasun-maila txikiagoa duten pertsonen kasuei.

Eskatu erreparorik gabe behar duzuen informazio guztia gure lanaren helburu nagusia zuen ongizatea hobetzea baita.

Agur bero bat.
Maite Etxaniz
Gizarte Politikako foru diputatua

25/2009 Foru Dekretua (17 Kb)

"Mendekotasun Legea Gipuzkoa " Gida (198 kb)

2009rako Mendekotasun Legearen prestazio ekonomikoen kenketak (70 kb)

2007-2008rako prestazio ekonomikoen diru kopuruak. (38 kb)

Nori zuzenduta dago Mendekotasun Legea

Mendekotasun Legea Autonomia fisikoa, zentzumenarena, psikikoa edo adimen-autonomiaren galera edo faltarekin lotutako arrazoiengatik mendekotasun egoeran aurkitzen diren eta sorospen edo laguntza garrantzitsuak behar dituzten pertsonei zuzenduta dago, egunerokoak diren ekintzak, eta, zehazki, norbere zainketari dagozkion ekintzak aurrera eraman ahal izateko.

Derrigorrezko baldintza batzuk daude:

Balorazioa- Mendekotasuna Baloratzeko Baremoa (MBB) duten pertsonek soilik eskuratu ahal izango dituzte laguntza hauek.
Errolda- Gipuzkoan erroldatuta egon beharko dute.
Bizilekua- Estatuan bizi beharko dira, gutxienez 5 urteko antzinatasunarekin, eta horietatik bi urtek eskaera egin aurrekoak izan beharko dute.

Mendekotasuna gradu ezberdinetan baloratzen da:

I. gradua - Mendekotasun ertaina: pertsonak eguneroko ohiko ekintzak egiteko laguntza behar duenean, gutxienez, egunean behin.
II. gradua – Mendekotasun larria: pertsonak eguneroko ohiko ekintzak egiteko laguntza behar duenean, egunean bi edo hiru aldiz, baina ez duenean etengabe zaintzaile baten presentzia behar.
III. gradua – Mendekotasun handia: pertsonak eguneroko ohiko ekintzak egiteko laguntza behar duenean egunean behin baino gehiagotan, eta bere adimen autonomia edo autonomia fisikoaren galera osoa dela medio, pertsona baten laguntza behar duenean ezinbestean eta etengabe.

Pertsona ezinduen laguntza Mendekotasun gradu bakoitzean bi maila ezberdin bereizten dira pertsonen autonomiaren arabera eta behar duten laguntzaren intentsitatearen arabera. Gipuzkoako Foru Aldundiko balorazio organoa izango da pertsona bakoitzaren mendekotasunaren gradu eta mailari buruzko txostena emango duena eta, aldi berean, behar izango dituen laguntzak zehaztuko dituena. Balorazio horrek finkatuko du legeak jasotako laguntza zein unetan eskuratuko den, izan ere, progresiboki ezarriko dira:

2007an III. graduko 1 eta 2 mailetan baloratutakoak izango dira onuradunak.
2008, II. graduko 2. mailako mendekotasun larria dutenak gehituko dira.
2010, II. graduko 1. mailako mendekotasun larria dutenak.
2012, I. graduko 2. mailako mendekotasun ertaina dutenak.
2014, I.graduko 1. mailako mendekotasun ertaina dutenak

I. GRADUA ETA II. GRADUA

Zerbitzuari lotutako laguntza ekonomikoa

Pertsona ezinduen laguntza Pertsonak hiru hilabete badaramatza eguneko zentroko zerbitzurako edo egoitza iraunkorrerako itxaron-zerrendan eta plazarik ez balego libre, kontratatu behar izan duen plaza pribatua ordaintzeko prestazioa eskuratuko du.

Ezinbestekoa da:

Eskualdeko egoitzatan plaza publikorik ez egotea.
Aldez aurretik bere eskualdean plaza bati uko ez diola egin egiaztatzea.
Plaza egokitu zaion egoitza eta eguneko zentru pribatuko aurrekontratu bat edukitzea.

Familia inguruko zaintzari lotutako laguntza ekonomikoak

Mendeko pertsona zaintzeaz arduratzen den familia inguruneko senitartekoei zuzenduta.

Ezinbestekoa da:

Pertsona zaintzaileak 18 urtetik gora izatea eta mendeko pertsonaren hirugarren gradua bitarteko senide izatea afinitatez edo odolkidetasunez .
Gizarte-segurantzan alta hartuta egotea (edo ondoren hitzarmen bidez alta ematea).
Bi pertsonak bizileku berean erroldatuta egotea eta elkarrekin bizitzea.
Mendekotasun gradu eta mailari dagokion zaintzari lotutako laguntza egokia izatea.
Bizitokiak eta bizikidetasun baldintza egokiak izatea.

III. GRADUA

Zerbitzuari lotutako laguntza ekonomikoa

Pertsona ezinduen laguntza

Pertsonak hiru hilabete badaramatza eguneko zentroko zerbitzurako edo egoitza iraunkorrerako itxaron-zerrendan eta plazarik ez balego libre, kontratatu behar izan duen plaza pribatua ordaintzeko prestazioa eskuratuko du.

Ezinbestekoa da:

Eskualdeko egoitzatan plaza publikorik ez egotea.
Aldez aurretik bere eskualdean plaza bati uko ez diola egin egiaztatzea.
Plaza egokitu zaion egoitza eta eguneko zentru pribatuko aurrekontratu bat edukitzea.

Familia inguruko zaintzari lotutako laguntza ekonomikoak

Mendeko pertsona zaintzeaz arduratzen den familia inguruneko senitartekoei zuzenduta.

Ezinbestekoa da:

Pertsona zaintzaileak 18 urtetik gora izatea eta mendeko pertsonaren hirugarren gradua bitarteko senide izatea afinitatez edo odolkidetasunez .
Gizarte-segurantzan alta hartuta egotea (edo ondoren hitzarmen bidez alta ematea).
Bi pertsonak bizileku berean erroldatuta egotea eta elkarrekin bizitzea.
Mendekotasun gradu eta mailari dagokion zaintzari lotutako laguntza egokia izatea.
Bizitokiak eta bizikidetasun baldintza egokiak izatea.

Zaintza pertsonalerako laguntza ekonomikoa

Hezkuntza edo eta lan mundurako sarbidea erraztu eta eguneroko ohiko ekintzak egiteko autonomia handiagoa ahalbidetuko dion zaintzaile pertsonal bat kontratatzera zuzenduta dago.

Ezinbestekoa da:

Zaintzaileak 18 urtetik gora izatea eta senidetza loturarik ez edukitzea, bizileku legala izatea eta zainketa pertsonala bere gain hartzeko ahalmena edukitzea
Mendekotasun gradu eta mailari dagokion
zaintzari lotutako laguntza egokia izatea.

GNet | gipuzkoa.net